Tasglann nan Eilean (Tasglainn)
A’ bucadh cothrom tadhal
Is e Tasglann nan Eilean seirbheis tasglainn Chomhairle nan Eilean Siar, an t-ùghdarras ionadail a tha a’ dèiligeadh ri Innse Gall. Is e ar dleastanas a bhith a’ cruinneachadh, a’ gleidheadh agus a’ tabhann cothrom air na cruinneachaidhean tasglainn a tha fo ar cùram, a dh’fhaodar a bhith air an cleachdadh airson raon fharsaing de dh’ùidhean rannsachaidh.
Tha an t-seirbheis stèidhichte ann an goireas a chaidh a thogail a dh’aon ghnothaich airson an tasglainn ri taobh Caisteal Leòdhais ann an Steòrnabhagh, a chaidh fhosgladh ann an 2016.
Tha seòmar leughaidh an tasglainn air fhosgladh le bhith a’ cur cead air dòigh. Cuir fios thugainn gus àm a chur air dòigh no gus comhairle fhaighinn mu thùsan a tha iomchaidh airson nan ùidhean rannsachaidh agad.
Ag ullachadh airson cuairt
Thathar gu làidir a’ comhairleachadh dhut fios a chur thugainn greis mhath mus tig thu gus an comharraich sinn stuth iomchaidh airson do chuideachadh led rannsachadh, agus gus dèanamh cinnteach gu bheil àite air a chur air dòigh dhut san t-seòmar leughaidh.
Thèid iarraidh ort:
- do làmhan a nighe gu math mus tig thu a-steach do sheòmar-leughaidh an tasglainn;
- soidhnig a-steach;
- fuirich san aon shuidheachan a chaidh a thoirt dhut fhad ’s a bhios tu a’ rannsachadh;
- thoir leat am peansail agad fhèin agus stuth sam bith eile a dh’fheumas tu.
Tha còmhdach aodainn an urra riut fhèin.
Bithear a’ sùileachadh gun cùm luchd-rannsachaidh ri Riaghailtean an t-Seòmar-leughaidh againn an uair a bhios iad a’ cleachdadh stuth tùsail san tasglann gus dèanamh cinnteach gun tèid a chumail airson nan ginealaichean ri teachd. Faodaidh iad a bhith air am faicinn no air an luchdachadh a nuas an seo:
Riaghailtean an t-Seòmar LeughaidhSuidheachadh, Pàirceadh agus Slighe a-steach
Tha an tasglann mar phàirt den aon thogalach ri Museum nan Eilean ann an Steòrnabhagh. Lean an ceangal seo airson tuilleadh fiosrachaidh mu suidheachadh, pàirceadh agus slighe a-steach agus seirbheisean eile airson luchd-tadhail.
Fiosrachadh
post-d: archives@cnes.gov.uk
Fòn: 01851 822750
Tron phost: Tasglann nan Eilean, Lews Castle Grounds, Stornoway HS2 0XS
