Comunn Eachdraidh Scalpaigh

Mun bhuidheann seo

Chaidh Comunn Eachdraidh Sgalpaigh a stèidheachadh an toiseach ann an 1982 gus eachdraidh, dualchas agus cultar an eilein adhartachadh.  Chaidh a stèidheachadh às ùr mar Bhuidheann Carthannais Corpaichte Albannach (SCIO) o chionn ghoirid. Stèidhichte ann an Ionad Coimhearsnachd Sgalpaigh, bidh an comann a’ cruinneachadh agus a’ gleidheadh sgrìobhainnean, innleachdas, dealbhan agus stuth eile le luach eachdraidheil.  Bidh an comann a’ cur air chois taisbeanaidhean agus tachartasan airson na coimhearsnachd ionadail agus luchd-tadhail a tha ag innse sgeulachd Sgalpaigh agus mu dhòigh beatha an eilein.

Cruinneachaidhean

• Dealbhan muinntir Sgalpaigh agus mu bheatha air an eilean
• Clàran beul aithris agus tar-sgrìobhaidhean
• Artaigealan, pàipearan rannsachaidh agus fiosan naidheachd mu Sgalpaigh agus a dhaoine
• Stuth a chaidh a chleachdadh ann an taisbeanaidhean a’ gabhail a-steach Dualchas Iasgach Sgalpaigh, Calanas (Ag obair le Clòimh), An Iolaire, Bainnsean Sgalpach agus Drochaid Sgalpaigh
• Liosta de chlàraidhean bhàtaichean iasgaich
• Innleachdas co-cheangailte ris an iasgach